با اهتمام موسسه نسیم فرهنگ هورامان : چهارمین همایش داستان کوتاه هورامی در پاوه برگزار شد.(چوارەمین هەمامەو داستان کۆتای هەورامی شارو پاوەی لوا ڕاوە)

با اهتمام موسسه نسیم فرهنگ هورامان :

چهارمین همایش داستان کوتاه هورامی در پاوه برگزار شد.

--

جزئیات خبر در لینک زیر

http://www.pavehpress.ir/?p=74933

چوارەمین هەمامەو داستان کۆتای هەورامی  شارو پاوەی لوا ڕاوە

ڕۆ دووە شەمەی  27/6/1396 وەراوەرو 18/9/2017 چوارەمین هەمامەو کوڵەڕازەو هەورامی شارو پاوەینە سازە کریا ماوەو یەک ڕۆینە، لاو دەزگاو فەرهەنگی و ئەدەبی "شنەو فەرهەنگو هەورامانی " وە .

بە بەشداری پەیجورکارو نویسیارو ڕۆشنویرا ئەدەبو فەرهەنگو هەورامانی، هەمامەکەنە دوانزە ڕازێ کوڵێ و،  چن بەزمێ سیاوچەمانەو چندەها شیعرێ هەورامێی  بەینو بەرنامەکانە پەی ئیسراحەتو مەژگی  پەخش کرێێ .

من چەنی دەس وەشی و پیرۆزبایی سەرکەوتەی هەمامەکەی  هەرپاسە گردو هامکاراو نویسیاراو کوڵە رازەکا ماچو:

بەشداری ژەنو کناچەی شان بەشانو پیاو کوڕی جوانی، دیمێ زەریف و کاریگەرش دابێ بە هەمامەکەی، ئینەیچ پەنەما ماچۆ هەردەم هەورامان  ژەنو پیا پێوەرە هەنگامەشا نیێنە، و پەی چێودمایچ سەرەمڕە بۆنە.

بەشداری جوانەکا (کوڕو کناچە)  ، ماناو هاندایشانە پەی ئانەی هەر جەئیسەتێوە ویرو قەلەمشا وزا هەرمانە پەی نوسیتەی هەورامی ، ئاشنا کەردەیشا و تەوان بەخشیشا بە وانایۆ  سەرو تەختو شانۆی وەرانوەرو خەڵكیوە، ئینەیچ هەنگامێوەنە هەمیەتێ فرەش هەن پەی وێ دروسکەردەی،وێپا هورستەی جوانەکاما.

دەنگو وانایەو ڕازەکا  کەشو هەوێوە کپش دابێ بەدلێ هۆڵەکەی، یەکڕاس گردو بەشدارا بێدەنگ گۆششا دارابێ ،یەکبین حەزو ئارەزوشا دیاربێ پەی هەمامەکەی.

( مامالە گێجی ،ئاوی ڕۆشنای نمارۆ ، کوشتەی ئەمین بەگی ، ژیوا مەرگش بەزنا،پەنجسەد تمەنیە ، پەنجە مۆر ، هەر پایز وەشەن ،چڕکە ژماری ئیفلیج ،زەماوننە، زێنەوە ، پەری،قاوە سینیە بۆر، ڕازەو شوانە درۆزنەکەی ) نامێ ڕاەزەکا بی هەمامەکەنە پێشکەش کرێی.

دیسان دەس وەشی و همیدو سەرکەوتەی و سەرەمڕەی وازو پەی شنەو فەرهەنگو هەورامانی شارو پاوەی ، مانی نەبیە جە گردو هەرمانبەراو هامکارا هەمامەکەی کەرو.

سپاسی بێ ئەندازم پەی کاک ئیبراهیمی و هامکارەکاش کە خوڵكەشا کەردا پەی بەشداری هەمامەکەیشا.

د.ناجح گوڵپی  19/9/2017