شێعرەو هۆرمزگانی /موحەممەدشەریف عەلی ڕەمایی

سڵام 

دەسوەشی جە گردیتا مەکەرو  ئینە نیشانە مەدٚۆ کە ئێتر نویسندەکاو هەورامانی ، گەرەکشا نیەن  تەمەدٚارو ئێدو ئەوی با سەرو مەوزۆعە تارێخیەکاوە وباقی بابەتەکاوە کە پەیوەندیشا هەن بە هەورامانیوە وێشا خەریکێنێ دڵسۆزانە کار مەکەران مەوزۆعو شێعرەو هۆرمزگانی، چی چندە ساڵەنە دەنگ دانەویە فرەش بێ و دیارەن پی زویە ، کارش نمیاو  بە ئاخر،منیش بە فرسەتم زانا چندٚە بابەتێ وزو سەرو خەرمانەو ئا پەیلوایانە بە هیواو ئانە تا گۆشیەتەر چی مەوزۆعیە رۆشنوە کریۆ .

1ـ هرمزگان یا هۆرمزگان بە ماناو ئاتەشکەدەی یا عێبادەتگای ، نیەن بەڵکو هۆرمزگان شاریە بیەن چە بەینو شارو مەدایێنی و شارەزوری . هرمزی ساسانی چندٚە شارێش بە نامێ وێشوە وەش کەردێنێ پەی نمونەی شارو رامهرمزی  ئیسەیچ هەر هەن . شارو هۆرمزگانێ ، نامێش جە سەر ئەنجامەنە ئامێنە عابدین جاف یو جە رەهبەرانو  یاری ، ماچۆ:

شاری هۆرمزگانم جوانە                  ئەم شارە بۆ یاران خوانە

ئاگرەکانی گەش  ماوە                      گەرچی گەلیکی  رماوە

یارم فەرموی خەڵک  شارەکە             نەیکەنە هەرای پارە کە 

ئەبێ گشت نەرم و نیان بن                 لە تەک یەک یەکدڵ وگیان بن 

        .........       

جێگەنە عابدین ، ئیشارەش کەردەن بە وەڕای بەشیە جە شارەکەی ، عابدین قەرنەو هەشتمی هێجری بیەن .

2 —-رمای چی شێعرێ کەبە ماناو وڕای ئامەن ، متاووٚ بە دوێ شێوی مانا کریوە یەکم ئانە کەئی شێعرێ یەک نەفەر کوردی واتێبۆ فرە شارەزاییش سەرو زوانو گۆرانیرە نەویەبۆ خۆ قەرار نیەن کەسێە واتێبۆ حەتمەن مشیۆ هەورامی زوان بیە بۆ ،دوهەم شایەد جە تەرجومەکەنە ئیشتێبا نویسیای بۆ هەر چەند رمیای جە هەورامیچە نە بەشێویە مەی ، پێسەو ماچۆ ، چنارەکات بڕیی رمنەشا ئاگە یانێ دارنەشاوەئاگەیا ماچو: چەنی کابرای زۆرانیما گێرتە دا لاش کەردوە رمنام زەمین .

3—گونا پالەی هەتا شارەزور ، گونانیەن بەڵکو گنان بە ماناو کەوت .پێسە ماچۆ: گبە ئیرای لوە تا..

جە شێعرەکێنە پێسە ئامەن : گنا ئی پاڵە هەتا شارەزور . جە هەورامینە ، هەم پاڵما هەن هەم لا پاڵما هەن . پاڵە گەورە ، هەردیە فرەن جە شیانەنە .ئەڵبەتە جە لەهجەو بڕیە دەگایاو هەورامانی بە یاگێ پاڵی ماچان : پاڵەی . ماچۆ گنە ئی پاڵەی هەتا....

                  حەمە شەریف .عەلی ڕمایی